Take Back The Tech - 16 дена активизам

Мрежата на женската програма за поддршка на АПЦ (Асоцијација за прогресивни комуникации) е глобална заедница што ја сочинуваат повекје од 100 жени од над 35 држави, активни на полето на вмрежување на групи и организации кои се занимаваат со женските прашања и сакаат да постигнат позитивни општествени промени преку користење на информатиски и комуникациски технологии (ИКТ).
Во 2006 година, оваа организација ја иницираше кампанјата Take Back The Tech, заснована на акции кои ставаат акцент на проблемот со насилството врз родна основа, и неговата поврзаност со информатичките и комуникациските технологии.

Преку промоција на родната еднаквост на полето на дизајнот, развојот, спроведувањето, пристапот и користењето на ИКТ, како и во носењето на важни политички одлуки и регулаторни рамки, иницијативата Take Back The Tech се заснова на активистичката колективна енергија на сите вклучени лица кои решиле да се посветат на овие прашања.

Целта е да се вклучат сите корисници на ИКТ, а особено жените и девојките со цел да ја превземат контролата и моќта над технологиите, а во текот на тој процес, да го побараме и реализираме нашето право на дефинирање, пристап, користење и обликување на ИКТ.

Во последно време, видливо е дека виртуелниот интернет простор се помалку е сигурно место за жените. На пример, вршителите на семејно насилство често ги користат ИКТ за да ги следат и контролираат партнерките, а постои и се поголем број на случаи на онлине вознемирување и сајбер-шпиунирање.

Преку оваа кампања, Ве повикуваме да, со свесно раyмислување за ИКТ и нивната употреба, заедно ги окупираме дигиталните простори и да разбереме дека имаме потенцијал за трансформација на постоечките односи на моќ и да ја оствариме визијата за слобода и еднаквост за сите.

Лицата вклучени ви работата на APC WNSP ја спроведуваат идејата на кампањата за 16 дена на активизам преку:

• Правење на онлине разгледници

• креирање на кратки видео филмови на тема Насилството врз жените

• испишување на феминистичка википедиа

• креирање на блогови на кои можат да се прочитаат статии и извештаи за целиот тек на кампањата

Насилството над жените представува нарушување на физичкото, психичкото и/или емоционалното здравје, а причините лежат во односот на нееднаквост помеѓу мажите и жените во скоро секоја сфера на животот. Примери за насилство врз жените се семејното насилство, силувањето и сексуалното вознемирување, итн.


ШТО Е ИКТ?
Информатичко-комуникацијските технологии се алати и платформи кои ги користиме за комуникација и информирање, како што се радиото, мобилната технологија, телевизијата и интернетот.


НАСИЛСТВОТО ВРЗ ЖЕНИТЕ И ИКТ
И насилството врз жените и ИКТ имаат големо влијание врз нашата способност да ги уживаме нашите човекови права и основни слободи. Во последно време, се повеќе се прави паралела помеѓу насилството врз жените и ИКТ. На пример, веб сајтовите можат да бидат корисно место за жените кои трпат насилство преку нудење на корисни информации и помош.

ИКТ се во состојба да ги пренесат општествените норми преку репресентацијата на културата, општествените структури и односи. Тие често ја играат улогата на медиумите, ги презентираат и зацврстуваат таканаречените разлики помеѓу мажите и жените преку прифаќање на стереотипите и родните улоги како реалност. Поради тоа, донесовме одлука да учествуваме активно во намалувањето на негативните појави во виртуелната опшстествена сфера.

За време на овогодинешната кампања 16 дена на активизам, Take Back The Tech сака да им даде видливост на сите организации, групи, колективи, поединци и поединки кои спроведуваат активности за време на кампањата. Сакаме да изградиме онлине досие кое ќе биде достапно за сите, а ќе служи за планирање на идни заеднички активности и креирање на активна мрежа за женска солидарност на просторот на ЈИЕ.


ЗАТОА ВЕ ПОВИКУВАМЕ:

• да земете активно учество и да ни ги испраќате програмите на вашите кампањи
• Да не информирате за активностите кои ке ги изведете за време на кампањата 16 дена на активизам

Преземено од: OneWorld SEE

Тркалезна маса организирана од Националниот совет на жените на Македонија - СОЖМ

Националниот совет на жените на Македонија - СОЖМ Ве поканува на тркалезна маса на тема:

„Нов мултидисциплинарен пристап за постапување во
случаите на семејно насилство“

на која ќе биде претставен моделот за мултидисциплнинарно постапување со случаите на семејно насилство од страна на г. Ерик Трелкед - тренер за јакнење на капацитетите помеѓу заедницата и полицијата (OSCE SMMS/PDU)

тркалезната маса ќе се одржи на 6-ти декември 2007 год, четврток со почеток во 11ч. во просториите на ул. 11 Октомври, 2 кат, Мала сала.

На тркалезната маса ќе има присутни преставници од Собранието на Р. Македонија, МВР, Министерство за труд и социјална политика, Министерство за правда, Народен правобранител, Јавно обвинителство, Меѓуопштински центар за социјални работи, како и меѓународни и локални организации.


Тркалезната маса е дел од настаните во рамките на кампањата „16 дена активизам против насилство врз жените“,

Флаерот од кампањата на Здруженска кој се дели овие 16 дена

предна страна


задна страна

Или беше обратно? :-)

Реакцијата во Факти

Реакција на кампањата против абортусот во Дневник

еве скен

Промоција на истражувањето за семејното насилство: „Живот во сенка“

Здружението за еманципација, солидарсност и еднаквост на жените во Р. Македонија - ЕСЕ ги објави резултатите од истражувањето за семејно насилство „Живот во сенка“. Студијата е составена од два дела и содржи наоди за природата, обемот и видовите на семејното насилство, како и постапувањето на институциите кон овој проблем.

Според истражувањето, дури половина од жените во земјава трпат психолошко насилство кое најчесто се манифестира преку инсистирање на сопругот/партнерот да знае каде и со кого е цело времеч ја навредува и прави таа да се чувствува лошо, се лути кога зборува со друг маж, намерно ја заплашува и ја спречува да работи надвор од дома.

Истражувањето е дел од проектот Национална програма за семејно насилство, кое ЕСЕ го спроведува во партнерство со Министерството за труд и социјална политика. Проектот е финансиран од УСАИД во рамките на Проектот за зајакнување на граѓанското општество имплементирано од Инситутот за трајни заедници (ИТЗ).



За подетални информации:
Весна Јованова, Здружение ЕСЕ

Реакција на кампањата против абортусот

Низ Скопје повеќе од неколку недели се излепени грозоморни плакати, се делат фалери (а ги делат млади неинформирани девојчиња) за кампања против абортусот. Кој ја потегна оваа кампања? Кој стои за неа? Девојчињата кои ги делат овие флаери не се ни свени што пренесуваат, што шират и какви последици сето тоа ќе има утре. Па и за нив.

Дел од невладините организации неколку дена се подготвуваат, мобилизираат за реакција против оваа кампања која ќе биде претставена во печатените медиуми во нашата земја. Подолу следи текстот на реакцијата:

АБОРТУСОТ Е ПРАВО НА ИЗБОР!!!

Се обраќаме до македонската јавност со реакција на екстремно конзервативните, репресивни општествени струи, кои затскривајќи се зад параванот на религијата и заштитата на правото на човекот на живот, дистрибуираaт постери и флаери со тврдење дека абортусот е убиство:

“Господ многу ги сака раѓањето и животот. Нашата МПЦ тоа многу пати го кажала” ???
„Правото на избор постои од моментот на зачнувањето, а потоа постои правото на живот” ????

Се прашуваме во кое време и во кој општествен систем сака да не врати оваа група, која промовира бесмислени пораки, а го прикрива својот вистински идентитет од јавноста.

Во оваа прилика, на иницијаторите на оваа кампања, нивните партнери во Македонија и до сите други кои сметаат дека 99% од случаите на прекин на бременоста се сосема неоправдани им ја упатуваме следнава порака:

ОБИДИТЕ ЗА БИЛО КАКВО ОГРАНИЧУВАЊЕ, ДА НЕ ЗБОРУВАМЕ ЗА ЗАБРАНА НА ПРАВОТО ДА РАСПОЛАГАМЕ СО СВОИТЕ ТЕЛА ПРЕТСТАВУВАТ НАПАД НА КОЈ ЌЕ МУ СЕ СПРОТИВСТАВИМЕ СО СИТЕ СИЛИ.

Апсолутно не го промовираме абортусот како метод за планирање на семејството, но сме против било каква политика која ќе го ограничи правото на избор. Ова со сигурност ќе резултира со нелегални и нестручно изведени абортуси.

Ние, долупотпишаните не сме убијци!

Фотографии од кампањата „ВРАТИТЕ НА СИСТЕМОТ“

Фотографии од инсталацијата поставена на плоштад во Скопје, а организиран од страна на Акција Здруженска, ЕСЕ, Министерство за труд и социјална политика, Национална СОС линија за семејно насилство и Министерство за Внатрешни работи при Р.М.

Инсталацијата ги симболизира вратите на надлежните институции (Полиција, Здравство, Центри за социјална работа и Невладини организации) кои се дел од ситемот за заштита од семејно насилство.






Сакам уште фотографии

Активности на мрежата на Антико за обележување на меѓународниот ден: „16 дена активизам против насилството врз жените“

Женската Граѓанска Инициатива Антико - мултиетничка мрежа на женски НВО на Р.Македонија, од 25-11- 2007 до 11 -12 - 2007 во рамките на меѓународниот ден ,,16 Дена активизам против насилството врз жените“, спроведува кампања под мото : ,,Промени го твојот црно-бел свет ! животот продолжува....“

За оваа цел во 10 локални заедници на Македонија се организираат, работилници, тркалезни маси, дебати и други форми на женско организирање и делување.
Главната цел на кампањата е : проблемот на насилството врз жените, да се третира како општествен проблем. Државата и надлежните институции да превземат поголема одговорност и целисходни мерки за превенција и заштита.

Една од важните теми на организираните настани е и: подобрувањето на пристапити и мерките кои ќе делуваат како превенција за намалување на бројот на жените жртви . Но, исто така ќе се даде јавност на интерсекторска соработка и ефикасноста на институциите во применувањето на соответни мерки за подобрувањето на условите за згрижување, а и превземање на специјални афирмативни мерки за поддршка и реинтеграција на жртвите во заедницата

Учесници/чки на активностите се преставници/чки на: граѓанските организации, локалната самоуправа, родовите комисии, Заводи за социјални грижи, психолози, педагози, социолози, медиуми и преставници од други институции кои можат да дадат придонес кон решавањето на овој општествен проблем во заедницата .

Активностите ги организираат локалните НВО членки на Мрежата на Антико во: Гостивар, Кичево, Дебар, Куманово, Битола, Пробиштип, Струмица, Свети Николе, Скопје, Крушево (Борино).


Контакт:
Женска граѓанска иницијатива - Антико
тел: +389 2 2611 130
факс: +389 2 601 112

Женски центар „Жена на 21 век - Куманово“ се приклучува кон меѓународната кампања „16 дена активизам против насилството врз жените“

Информативно-едукативна кампања – Акција против семејно насилство е името на иницијативата под која Женски центар „Жена на 21 век Куманово“ се приклучува кон меѓународната кампања „16 дена активизам против насилството врз жените“.

Активностите ќе се одвиваат во шест општини: три урбани - Куманово, Крива Паланка и Кратово и три рурални: Липково, Старо Нагоричани, Ранковце. При тоа ќе се организираат едукативни работилници за видовите на насилство врз жените, нивните права и обврските на надлежните институции кои ја третираат оваа проблематика. За време на кампањата ќе биде дистрибуиран информативен материјал изработен за оваа кампања.
Работилництите во другите општини ќе бидат организирани во соработка со невладни организации кои се потенцијални кандидати за членови на женскиот центар од идната година.

Активностите започнуваат со утрешната работилница (28.11.2007, среда) во Куманово која ќе биде организирана во просториите на женскиот центар .

Медиумите присутни на кампањата за борба против насилството над жените

16 дневната кампања која започна на 25 ноември и ќе трае до 16ти декември е покриена и од страна на медиумите. Еве неколку линкови до вестите:

25 Ноември - Меѓународен ден на борбата против насилствотo врз жените

Активизам за борба против насилство врз жените

Кампања за заштита од семејно насилство

Почеток на кампањата „16 меѓународни дена на активизам за борба против насилството врз жените“

На 24 ноември (сабота) во 12 часот со настан на Плоштадот Македонија наречен „ВРАТИТЕ НА СИСТЕМОТ“ започна кампањата „16 меѓународни дена на активизам за борба против насилството врз жените“.

Во рамките на настанот организиран од страна на Акција Здруженска, ЕСЕ, Министерство за труд и социјална политика, Национална СОС линија за семејно насилство и Министерство за Внатрешни работи при Р.М, беше поставена инсталација која ги симболизира вратите на надлежните институции (Полиција, Здравство, Центри за социјална работа и Невладини организации) кои се дел од ситемот за заштита од семејно насилство. До секоја од вратите беа присутни претставници од соодветниот систем кои ги информираа граѓаните за услугите и заштитата која тие ја обезбедуваат за жртвите на семејно насилство.

Освен инсталацијата поставена во центарот на градот на плоштадот „Македонија“,
во деновите на кампањата се предвидува и дистрибуција на 5000 флаери, објава во неделното списание Теа Модерна, а ќе биде отворена и телефонска линија за донирање средства за помош на жртвите на семејно насилство.

За повеќе информации и вклучување во оваа кампања Ве молиме контактирајте со:

Здружение на граѓани Акција Здруженска
Здружение за еманципација, солидарност и еднаквост на жените на РМ - ЕСЕ

16 дена активизам против насилството врз жените

Сојузот на организации на жени во Македонија ги најави своите активности кои ќе бидат спроведени во склоп на интернационалната кампања „16 дена активизам против насилството врз жените“. Активностите ќе се спроведуваат по мотото: „Еднакви можности за сите - Живот без насилство“.

Промоцијата на кампањата ќе се одржи на 25 ноември, 2007 год. во Големата сала на собранието на град Скопје со почеток во 12 часот.

Заштитното лице на оваа кампања за борба против насилството врз жените е Лабина Митевска.

Кампања ИМАШ ПРАВО! БАРАЈ ЗАШТИТА ОД СЕМЕЈНО НАСИЛСТВО

Во рамките на "16 меѓународни дена на активизам за борба против насислтвото врз жените"/ 25 ноември - 10 декември 2007

Барај имплементација, предизвикај ги пречките: Крај за насилството врз жените

Овогодинешната кампања: Имаш право! Барај заштита од семејно насилство, претставува заедничка акција на Здружението на граѓани Акција Здруженска од Скопје, Здружението за еманципација, солидарност и еднаквост на жените на РМ – ЕСЕ, Националната СОС линија при ОЖС, Министерството за труд и социјална политика и Министерството за внатрешни работи. [повеќе]

Водич во феминистичката и родовата терминологија

Водич во феминистичката и родовата терминологија претставува придонес на Акција Здруженска во збогатувањето на ресурсите во Македонија за поголема информираност и надградба на знаењата во областа на родовата еднаквост и човековите права на женитe. Можете да го превземете овде